Tanzania: Abanyeshuri batanu baafunganywe n’ababyeyi bazira guterwa inda

Umukuru wa Police mu gace ka Tandahimba muri Tanzania witwa Sebastian Waryuba yatanze amabwiriza yo guta muri yombi abanyeshuri batanu batwite hamwe n’ababyeyi babo kugira ngo babazwe abateye inda bariya bana. Police kandi ngo ishingiye ku makuru make imaze kubona iri guhiga abakekwaho gutera bariya bana inda.  

ikinyamakuru THE  Citizen  Kivuga ko muri Tandahimba hamaze kwirukanwa abanyeshuri 55 bazira ko batwite.

Waryuba yabwiye inteko y’abavuga rikijyana muri kariya gace ko bariya bakobwa hamwe n’ababyeyi babo bafashwe kugira ngo batange amakuru yafasha Police mu guta muri yombi abakekwaho gutera bariya bana inda.

Umunyamabanga mukuru mu buyobozi bwa kariya gace witwa Ahmed Azizi avuga ko bariya bakobwa n’ababyeyi babo bararekuwe ariko bamaze gutanga amande.

Imiryango yita ku burenganzira bwa muntu yo muri kariya gace yamaganye ikemezo cya Police cyo gufunga bariya bana n’ababyeyi babo, ikavuga ko byari bube byiza iyo hafatwa abakekwaho gukora icyaha kurusha gufata abagikorewe. ibi kandi byasabwe pa perezida Maghufuri ubwe ko umunyeshuri watwaye inda azajya ahita yirukanwa ku ishuri burundu.