Umugore yishe umugabo amuziza kwanga gutera akabariro

Umugore w’imyaka 24  mu gihugu cya Uganda yishe umugabo we nyuma yo kwanga gutera akabariro, ariko umugabo ngo yangaga kubikora bitewe n’uko umugore we yari amaze igihe gito abyaye, kandi abaganga barabagiraga inama yo gutegereza byibura amezi 6 .

 uyu mugore witwa  Harriet Nambi  wari  utuye mu mujyi wa Kaliro, yicishije icyuma umugabo we,Musa Batera w’imyaka 25, amuhora ko yanze ko baryamana, kuko yari amaze amezi abiri gusa abyaye abazwe

 Daily Nation  dukesha iyi nkuru  ivuga ko umuturanyi w’uyu muryango, yabwiye Polisi ko wari umaze iminsi urimo intonganya, umugore ashinja umugabo we kwanga ko baryamana.

Yagize ati “Yambwiraga ko umugabo we amwangira ko bakora imibonano mpuzabitsina igihe abishaka. Namusabye ko yategereza kuko yabazwe ariko yanga kubyumva. Nagerageje kumusaba ko yabitwara gake ariko ambwira ko agiye kugirira nabi umugabo we, maze atashye amutera icyuma.”

Batera wishwe asize abagore batatu, umuvugizi wa polisi muri aka karere nawe yemeje urupfu rw’uyu mugabo, anagira inama abaturage yo kujya bifashisha indi miryango cyangwa inzego z’ubuyobozi mu gihe habayeho amakimbirane.  Umurambo w’uwo mugabo wayishyinguwe, n’umugore akomeza gufungwa mu gihe n’iperereza rigikomeje .

 source : www.nation.co.ke